Университет халықаралық ынтымақтастықты Қазақстан Республикасының заңнамасы мен халықаралық шарттар негізінде жүзеге асырады.
      Университет шетелдік білім, ғылым, мәдениет ұйымдарымен, халықаралық ұйымдармен және қорлармен тікелей байланыс орнатады. Озық тәжірибені зерттеу және тарату, білім беру қызметтерінің экспортын кеңейту мақсатында ынтымақтастық туралы келісімшарттар жасайды.
     Университет шетелдік серіктестермен оқу, әдістемелік, ғылыми және техникалық ақпараттармен алмасады, сыртқы нарықта ғылыми және тәжірибелік жұмыстарды ілгерілетуге көмектеседі, білімалушылар, оқытушылар мен зерттеушілердің халықаралық алмасу бағдарламаларына қатысуға қолдау көрсетеді.